سبی میں جیکب آباد سے کوئٹہ جانے والی مسافر ویگن اور رکشے کے درمیان تصادم کے نتیجے میں خوفناک حادثہ پیش آیا
سبی میں جیکب آباد سے کوئٹہ جانے والی مسافر ویگن اور رکشے کے درمیان تصادم کے نتیجے میں خوفناک حادثہ پیش آیا۔ریسکیو ذرائع کے مطابق یہ حادثہ ڈمبولی کے مقام پر تیز رفتاری کے باعث پیش آیا، جس کے نتیجے میں مسافر ویگن بے قابو ہوکر الٹ گئی۔حادثے کے نتیجے میں 5 مسافر شدید زخمی ہوگئے۔ اطلاع ملتے ہی ایدھی اور ریسکیو 1122 کے رضاکار فوری طور پر جائے وقوعہ پر پہنچ گئے اور زخمیوں کو ابتدائی طبی امداد فراہم کرنے کے بعد ٹیچنگ ہسپتال سبی منتقل کیا۔ہسپتال ذرائع کے مطابق تمام زخمیوں کو ضروری طبی سہولیات فراہم کی جا رہی ہیں۔